iOS 14.5

Apple-მა დღეს iOS 14.5 და iPadOS 14.5-ის სახალხო ვერსია წარმოგვიდგინა. განახლება ყველაზე მასშტაბურია iOS 14 ვერსიაში და უამრავს სიახლეს შეიცავს. მოდით სტატიაში გავეცნოთ დეტალურად რა სიახლეებს შევხვდებით ახალ ოპერაციულ სისტემაში.

Apple Watch-ით განბლოკვა - როდესაც სახეზე გიკეთიათ ნიღაბი

iOS 14.5-ის და watchOS 7,4-ის დახმარებით, ამიერიდან მარტივად განბლოკავთ თქვენი Apple watch-ით iPhone-ს, მიუხედავად იმისა რომ სახეზე ნიღაბი გიკეთიათ. ამ ფუნქციის ჩართვას Setting>Face ID & Passcode ველიდან შეძლებთ.

AirTags მხარდაჭერა

Apple-მა აპრილის პრეზენტაციაზე ახალი მოწყობილობა AirTags წარმოგვიდგინა, რომელიც Find My აპლიკაციით უკავშირდება ტელეფონს და ნებისმიერი მოწყობილობის მარტივად პოვნას შეძლებთ. iOS 14.5-ის განახლებით კი iPhone AirTags-ის მხარდაჭერას მიიღებს.

Dual-Sim 5G მხარდაჭერა

2 ბარათიანი მოდელები ამიერიდან 5G მხარდაჭერას მიიღებენ. ასევე გაუმჯობესდა 5G ინტერნეტის მოხმარების სისწრაფე და ყველა ხარვეზი აღმოიფხვრა.

ახალი Emoji ემოციები

iOS 14.5-ში განახლებული Emoji სტიკერებს შევხვდებით. ისეთებს როგორიცაა: გული ცეცხლში, სახე ღრუბლებში, განახლებული Emoji ემოციები წვერში, ახალი სპორტული სტიკერები და სხვა. ასევე ყურსასმენი Emoji შეცვალა AirPods Max-ის გამოსახულებამ.

Siri-ის ახალი ხმა

iOS 14.5-ში ამიერიდან ორი ახალი ინგლისურენოვანი ხმა დაემატება. ამიერიდან Siri-ის როგორც კაცის, ასევე ქალის ხმოვანი ასისტენტის დახმარების მხარდაჭერა ექნება.

კონტროლერების მხარდაჭერა
iOS 14.5-ზე თქვენ უკვე შეგიძლიათ Playstation 5-ის Dualsense-ის და Xbox Series X-ის კონტროლერის დაკავშირება თქვენს iPad-სა და iPhone-ზე. ახალი კონტროლერი ასევე თავსებათია Apple TV-ის განახლება tvOS 14.5-ზეც.

პირადი ინფორმაციის გაზიარება

ამიერიდან ერთი ღილაკით შეძლებთ გაუთიშოთ ნებისმიერი პირადი ინფორმაციის გაზიარება აპლიაციებს. Setting>privacy>Tracking ველიდან შეძლებთ ამის გაკეთებას.

სხვადასხვა მცირე განახლებები შეეხო Apple Music-ის, Reminders-ის, Podcasts-ის, News-ის  აპლიკაციებს. ასევე ახალ ვერსიაში გამოსწორებულია თითქმის ყველა ხარვეზი და შეცდომა, რომელსაც წინა ვერსიებში ვხვდებოდით.